“Ang magtuman sa akong gisulti dili gayod mamatay.”
Marso 18, 2018
Dominggo sa Pasyon
San Cyril sa Jerusalem
Alang sa Epistola, Ebanghelyo, Pag-ampo ug uban pang giya sa Santos nga Misa karung adlawa, palihug sa pagtan-aw niini sa: Dominggo sa Pasyon.
Mga Piyesta karun nga semana:
Lunes - Marso 19 ~ San Jose, Bana ni Maria (Adlaw sa Pagpuasa)
Martes - Marso 20 ~ (Adlaw sa Pagpuasa)
Mierkules - Marso 21 ~ San Benedicto, Abad (Adlaw sa Pagpuasa)
Huwebes - Marso 22 ~ San Isidro Labrador (Adlaw sa Pagpuasa)
Biernes - Marso 23 ~ Pito ka Kasakit ni Maria (Adlaw sa Pagpuasa ug Abstinencia)
Sabado - Marso 24 ~ San Gabriel, Arkanghel (Adlaw sa Pagpuasa) Dominggo - Marso 25 ~ Dominggo sa Palma
Karun mao ang Passion Sunday o Dominggo sa Pasyon. Sa nilabay nga Dominggo (Marso 11, 2018), mao kadto ang Laetare Sunday o Dominggo sa Pagsadya. Sunod nga Dominggo, (Marso 25, 2018) mao ang Palm Sunday o Dominggo sa Palma.
Atong gitabonan og panapton ang mga imahe sa atong Simbahan karun tungod kay ang Ebanghelyo karun naghisgot niini: 'Ug namunit silag mga bato aron ilang batoon si Jesus apan mitago siya ug mibiya sa Templo.' Sama nga nitago ang atong Ginoo tungod kay gusto Siya batoon sa mga Judio, maingon usab karun nga nitago Siya ug dili nato Siya makita niining atong pagpangandam sa mga misterio sa Iyang pasyon. Gitabonan sa Simbahan ang himaya sa imahe sa atong Ginoo ug ang dagway sa Krus. Ato usab nga gitabonan ang mga imahe sa santos kay kon dili nato makita ang himaya sa Ginoo, nan dili usab nato makita ang himaya sa Iyang mga sulogoon. Dili nato makita ang himaya sa Ginoo niining Iyang Pasyon tungod sa grabeng kulata nga Iyang nadawat. Gihampak, gitamparos, ug gibugalbugalan. Giguba ang Iyang dagway. Giguba ang Iyang imahe.
Ang Marso 25 mao ang Kapistahan sa Anunsasyon o Pagpahibalo sa Anghel ngadto ni Maria o ang Kapistahan sa Pagpanamkon sa Mahal nga Birhen Maria sa atong Ginoong Jesu-Cristo. Apan karung tuiga, 2018, ang Kapistahan sa Anunsasyon, gibalhin ngadto sa Abril 9, 2018. Ang balaod sa Simbahan mao nga kung ang Kapistahan sa Anunsasyon matunong panahon sa Semana Santa (Holy Week) ug sa Semana sa Pagkabanhaw (Easter Week), ibalhin kini ngadto sa Lunes Human sa Low Sunday o Ubos nga Dominggo. Ang petsa sa Low Sunday o Ubos nga Dominggo karung tuiga mao sa Abril 8, 2018. Mao nga sa Abril 9, 2018, Lunes Human sa Low Sunday o Ubos nga Dominggo, saulogon nato ang Kapistahan sa Anunsasyon.
Sa atong Ebanghelyo karun, ang atong Ginoong Jesu-Cristo gipasumanginlan sa mga Judio nga giyawaan kuno Siya. Nagtinubagay ang atong Ginoo ug ang mga Judio.
“Sultihan ko kamo: ang magtuman sa akong gisulti dili gayod mamatay. . .Ang nagpasidungog kanako mao ang akong Amahan nga inyong giingon nga inyong Dios. Wala gayod kamo makaila kaniya apan ako nakaila kaniya. Kon moingon ako nga wala ako makaila kaniya, mahimo akong bakakon sama kaninyo. . .Ang inyong amahan nga si Abraham nalipay nga makakita siya sa adlaw sa akong pag-anhi. Nakita niya kini ug nalipay siya. . .Sultihan ko kamo: wala pa gani matawo si Abraham, ‘Ako mao na.’”
Dili gayod mamatay kadtong nagtuman ug nagsunod sa mga pulong sa atong Ginoong Jesu-Cristo. Ang ipasabot niini nga ang nagtuman sa mga sugo sa atong Ginoo, makaangkon og kinabuhi nga walay katapusan didto sa kalibutan uban sa Dios ug ang mga Santos. Ang nisalikway ug dili modawat sa mga pulong sa atong Ginoo, makaangkon sa kamatayon nga walay katapusan. Kining kamatayon nga puno sa kasakit ug pag-antos didto sa kalibutan uban ni Satanas ug sa mga gisilotan.
Ang atong Ginoong Jesu-Cristo nisulod sa tiyan sa Bulahang Birhen Maria tungod kay gidawat sa Mahal nga Birhen ang Anunsasyon sa Bulahang Gabriel nga Arkanghel. Gidawat sa Mahal nga Birhen ang mensahe sa Anghel pinaagi sa Iyang pag-ingon: “Matuman Unta Dinhi Kanako Sumala Sa Imong Pulong.” Tungod sa pagsunod sa Mahal nga Birhen Maria sa Kabubut-on sa Dios, ang Pulong Nahimong Tawo. Naangkon sa Bulahang Birhen Maria ang Kinabuhi nga Dayon. Ang Ginoo nga nagbuhat sa langit ug sa yuta nipuyo uban ni Santa Maria ug ni San Jose. Si Santa Maria ug si San Jose nakakugos, nakapakaon, nakighigda ug nakig uban sa Dios nga nagpakahimong tawo. Bulahan gayud si San Jose tungod kay namatay siya nga gi-atiman sa atong Ginoo ug sa Bulahang Birhen Maria.
Apan ang mga tawo dili gayud mosunod sa mga pulong ni Cristo. Sa Ebanghelyo karun, nakiglalis sila sa atong Ginoo. Giusikan nila ang higayon. Si Cristo nga mao ang Mesias naa na sa ilang atubangan apan ila gayud gisalikway. Buot pa gayud nila nga batoon ang Mesias kay kuno giyawaan Siya. Giyawaan kuno ang ang atong Ginoong Jesu-Cristo kay matod pa Niya, si Abraham nalipay sa Iyang pag-abot dinhi sa kalibutan. Matod pa sa atong Ginoo, si Abraham nga dugay na kaayo nga patay, nagpaabot sa pag-anhi Niya sa kalibutan. Buot pasabot nga sa buhi pa kaniadto si Abraham, nakahibaw na siya nga moabot si Cristo dinhi sa kalibutan. Ug matod pa sa atong Ginoo, sa wala pa matawo si Abraham, naa na Siya. Tungod niana napungot ang mga Judio ug gusto nila nga batoon ang atong Ginoo.
Kini nagpasabot nga ang atong Ginoong Jesu-Cristo, Dios nga matuod ug Tawo nga matuod. Dili man mamakak ang atong Ginoo. Ang atong Ginoong Jesu-Cristo mismo maoy namulong nga naa na Siya bisag wala pa gipanganak si Abraham sa kalibutan. Gipamulong kini sa atong Ginoo kay sa wala pa Siya nikanaug dinhi sa kalibutan, tua na Siya sa langit uban sa Dios Amahan ug Sa Dios Espiritu Santo. Siya maoy naghimo sa Langit ug Yuta. Si Cristo maoy nagbuhat ni Abraham. Si Cristo maoy nagbuhat ni Santa Maria. Pila ka libo ka tuig ang nilabay human sa kamatayon ni Abraham, nikanaug si Cristo dinhi sa kalibutan pinaagi ni Santa Maria.
Adunay sekta o pundok nga ginganlan og 'Iglesia ni Cristo.' Ang mga membro niining sekta, nagtudlo nga si Cristo kuno dili tinuod nga Dios, tawo ra kuno si Cristo. Apan ang Balaan nga Kasulatan nagapadayag gayud nga si Cristo dili lamang tawo. Tinuod gayud nga Dios si Cristo. Niining Ebanghelyo karun, gipamatuod ni Cristo dinhi kanato nga Siya Dios. Naa na Siya, sa wala pa gipaktawo si Abraham. Naa na Siya, sa wala pa gipakatawo si Santa Maria. Naa na Siya, sa wala pa gipakatawo si Moses.
Naa bay normal nga tawo nga ipanganak nga dili gikan sa sekswal nga pakigdulog. Naa bay normal nga tawo nga ipanganak sa usa ka babaye nga wala hilabti og lalaki? Ang tanang normal nga tawo gipanganak gayud gikan sa sekswal nga pakigdulog sa Inahan ug Amahan. Apan ang atong Ginoo, wala gi-anak gikan sa binhi ni San Jose. Nabuntis si Santa Maria nga wala hilabti og lalaki. Mao nga dili gayud nga ordinaryo lamang nga tawo si Cristo. Si Cristo nakahimog daghang milagro. Nakalakaw sa tubig; gipakaon ang daghang mga tawo pinaagi sa pagpadaghan sa pan ug isda; gibanhaw ang mga patay, gibag-o ang tubig ngadto sa bino, ug nabanhaw gikan sa Iyang kamatayon. Ang mga Apostoles makahimo og milagro tungod sa ngalan ni Cristo. Mato pa ni Cristo, naa na Siya daan bisag wala pa gipakatawo si Abraham. Unya motoo gihapon ka nga tawo lamang si Cristo? Dios gayud si Cristo ug Tawo nga matood.
Mao nga Bulahan gayod kadtong nagsunod sa mga pulong ni Cristo. Namulong ang atong Ginoo nga tukoron Niya ang Iyang Simbahan ibabaw ni San Pedro ug dili kini mabuntog. Mao nga ania ta sa Simbahang Katolika tungod kay mao kini ang Simbahan nga adunay Santo Papa nga sumusunod ni San Pedro. Namulong ang atong Ginoo ngadto ni San Pedro nga atimanon niya ang Iyang mga karnero. Mao nga ania kita sa Simbahang Katolika tungod kay kita mao ang mga karnero nga gipiyal ngadto sa Santo Papa nga mao ang sumusunod ni San Pedro. Namulong ang atong Ginoo nga ato Siya nga handumon pinaagi sa pagkalawat sa Iyang Lawas ug Dugo nga mao ang matuod nga kalan-on ug matuod nga ilimnon. Mao nga ania kita sa Simbahang Katolika tungod kay aduna kitay Santos nga Misa diin kalawaton nato ang Lawas sa atong Ginoo. Namulong ang atong Ginoo nga ang mga sala nga pasayloon sa mga Apostoles, Iya usab nga pasayloon. Mao nga ania kita dinhi sa Simbahang Katolika tungod ka anaa dinhi ang sakramento sa Kumpisal. Namulong ang atong Ginoo nga ang makahugaw sa tawo dili kadtong mosulod sa baba sa tawo kon dili kadto hinuon nga mogawas sa baba sa tawo. Mao nga ania kita dinhi sa Simbahang Katolika tungod kay nagtugot kini kanato sa pagkaon sa dugo sa baboy ug sa pagkaon bisan unsang mananap kay dili makahugaw ang kadtong mosulod sa atong baba.. Namulong ang atong Ginoo nga bunyagan ang tanang katawhan pinaagi sa Ngalan sa Amahan ug sa Anak ug sa Espiritu Santo. Mao nga naa kita sa Simbahang Katolika tungod kay nagsimba kita sa Tinuod nga Dios nga adunay Tulo ka Persona: Dios Amahan, Dios Anak ug Dios Espiritu Santo.
Apan ang mga tawo dili gayud mosunod sa mga pulong ni Cristo. Sa Ebanghelyo karun, nakiglalis sila sa atong Ginoo. Giusikan nila ang higayon. Si Cristo nga mao ang Mesias naa na sa ilang atubangan apan ila gayud gisalikway. Buot pa gayud nila nga batoon ang Mesias kay kuno giyawaan Siya. Giyawaan kuno ang ang atong Ginoong Jesu-Cristo kay matod pa Niya, si Abraham nalipay sa Iyang pag-abot dinhi sa kalibutan. Matod pa sa atong Ginoo, si Abraham nga dugay na kaayo nga patay, nagpaabot sa pag-anhi Niya sa kalibutan. Buot pasabot nga sa buhi pa kaniadto si Abraham, nakahibaw na siya nga moabot si Cristo dinhi sa kalibutan. Ug matod pa sa atong Ginoo, sa wala pa matawo si Abraham, naa na Siya. Tungod niana napungot ang mga Judio ug gusto nila nga batoon ang atong Ginoo.
Kini nagpasabot nga ang atong Ginoong Jesu-Cristo, Dios nga matuod ug Tawo nga matuod. Dili man mamakak ang atong Ginoo. Ang atong Ginoong Jesu-Cristo mismo maoy namulong nga naa na Siya bisag wala pa gipanganak si Abraham sa kalibutan. Gipamulong kini sa atong Ginoo kay sa wala pa Siya nikanaug dinhi sa kalibutan, tua na Siya sa langit uban sa Dios Amahan ug Sa Dios Espiritu Santo. Siya maoy naghimo sa Langit ug Yuta. Si Cristo maoy nagbuhat ni Abraham. Si Cristo maoy nagbuhat ni Santa Maria. Pila ka libo ka tuig ang nilabay human sa kamatayon ni Abraham, nikanaug si Cristo dinhi sa kalibutan pinaagi ni Santa Maria.
Adunay sekta o pundok nga ginganlan og 'Iglesia ni Cristo.' Ang mga membro niining sekta, nagtudlo nga si Cristo kuno dili tinuod nga Dios, tawo ra kuno si Cristo. Apan ang Balaan nga Kasulatan nagapadayag gayud nga si Cristo dili lamang tawo. Tinuod gayud nga Dios si Cristo. Niining Ebanghelyo karun, gipamatuod ni Cristo dinhi kanato nga Siya Dios. Naa na Siya, sa wala pa gipaktawo si Abraham. Naa na Siya, sa wala pa gipakatawo si Santa Maria. Naa na Siya, sa wala pa gipakatawo si Moses.
Naa bay normal nga tawo nga ipanganak nga dili gikan sa sekswal nga pakigdulog. Naa bay normal nga tawo nga ipanganak sa usa ka babaye nga wala hilabti og lalaki? Ang tanang normal nga tawo gipanganak gayud gikan sa sekswal nga pakigdulog sa Inahan ug Amahan. Apan ang atong Ginoo, wala gi-anak gikan sa binhi ni San Jose. Nabuntis si Santa Maria nga wala hilabti og lalaki. Mao nga dili gayud nga ordinaryo lamang nga tawo si Cristo. Si Cristo nakahimog daghang milagro. Nakalakaw sa tubig; gipakaon ang daghang mga tawo pinaagi sa pagpadaghan sa pan ug isda; gibanhaw ang mga patay, gibag-o ang tubig ngadto sa bino, ug nabanhaw gikan sa Iyang kamatayon. Ang mga Apostoles makahimo og milagro tungod sa ngalan ni Cristo. Mato pa ni Cristo, naa na Siya daan bisag wala pa gipakatawo si Abraham. Unya motoo gihapon ka nga tawo lamang si Cristo? Dios gayud si Cristo ug Tawo nga matood.
Mao nga Bulahan gayod kadtong nagsunod sa mga pulong ni Cristo. Namulong ang atong Ginoo nga tukoron Niya ang Iyang Simbahan ibabaw ni San Pedro ug dili kini mabuntog. Mao nga ania ta sa Simbahang Katolika tungod kay mao kini ang Simbahan nga adunay Santo Papa nga sumusunod ni San Pedro. Namulong ang atong Ginoo ngadto ni San Pedro nga atimanon niya ang Iyang mga karnero. Mao nga ania kita sa Simbahang Katolika tungod kay kita mao ang mga karnero nga gipiyal ngadto sa Santo Papa nga mao ang sumusunod ni San Pedro. Namulong ang atong Ginoo nga ato Siya nga handumon pinaagi sa pagkalawat sa Iyang Lawas ug Dugo nga mao ang matuod nga kalan-on ug matuod nga ilimnon. Mao nga ania kita sa Simbahang Katolika tungod kay aduna kitay Santos nga Misa diin kalawaton nato ang Lawas sa atong Ginoo. Namulong ang atong Ginoo nga ang mga sala nga pasayloon sa mga Apostoles, Iya usab nga pasayloon. Mao nga ania kita dinhi sa Simbahang Katolika tungod ka anaa dinhi ang sakramento sa Kumpisal. Namulong ang atong Ginoo nga ang makahugaw sa tawo dili kadtong mosulod sa baba sa tawo kon dili kadto hinuon nga mogawas sa baba sa tawo. Mao nga ania kita dinhi sa Simbahang Katolika tungod kay nagtugot kini kanato sa pagkaon sa dugo sa baboy ug sa pagkaon bisan unsang mananap kay dili makahugaw ang kadtong mosulod sa atong baba.. Namulong ang atong Ginoo nga bunyagan ang tanang katawhan pinaagi sa Ngalan sa Amahan ug sa Anak ug sa Espiritu Santo. Mao nga naa kita sa Simbahang Katolika tungod kay nagsimba kita sa Tinuod nga Dios nga adunay Tulo ka Persona: Dios Amahan, Dios Anak ug Dios Espiritu Santo.
Nisamot og kasuko ang mga Judio ngadto sa atong Ginoo tungod kay giingnan Niya sila: 'Ang nagpasidungog kanako mao ang akong Amahan nga inyong giingon nga inyong Dios. Wala gayod kamo makaila kaniya apan ako nakaila kaniya.'
Gipaklaro gayud sa atong Ginoo nga bisan pa ug moila o mosimba ka sa Amahan isip imong Dios, apan imong isalikway ang Anak, wala gayud gihapon ka makaila sa imong gisimba. Ang tinuod nga pagsimba mao ang pagsimba sa tinuod nga Dios. Kinsa man ang Dios? Ang tinuod nga Dios mao ang Dios ni Abraham, ang Dios ni Isaac ug ang Dios ni Jacob nga mao ang Dios Amahan, Dios Anak ug Dios Espiritu Santo. Bisag unsaon pa og simba sa mga lain lain nga relihiyon, wala gayud sila magsimba sa tinuod nga Dios. Kinahanglan nga motoo ug mosimba gayud sa Dios nga Anak ug sa Dios Espiritu Santo aron makasimba ug makaila sa Dios nga Amahan.
Buot pasabot nga kadtong wala magsimba sa Santisima Trinidad, wala magsimba sa tinuod nga Dios kay wala sila kaila sa ilang gisimba. Bisan pa og mosulti sila nga ang ilang gisimba mao ang Dios Amahan. Kay ang Dios dili lamang ang Amahan. Ang tinuod nga Dios adunay Tulo ka Persona. Ug aron makabaton ka sa kinabuhing dayon, kinahanglan nga mosunod ka sa pulong ni Cristo. Walay pulos ang imong pagsimba sa Santisima Trinidad koon dili gihapon ka maminaw sa pulong ni Cristo. Ang relihiyon lamang dinhi sa kalibutan nga hingpit nga nagsunod sa mga pulong ni Cristo mao lamang ang Simbahag Katolika. Tugod kay ang Simbahang Katolika mao lamang ang matuod nga relihiyon, mao nga gi-ataki kini ni Satanas ug ang mga kaaway anaa na naglingkod sa mga istraktura sa atong mga Simbahan.
Gipaklaro gayud sa atong Ginoo nga bisan pa ug moila o mosimba ka sa Amahan isip imong Dios, apan imong isalikway ang Anak, wala gayud gihapon ka makaila sa imong gisimba. Ang tinuod nga pagsimba mao ang pagsimba sa tinuod nga Dios. Kinsa man ang Dios? Ang tinuod nga Dios mao ang Dios ni Abraham, ang Dios ni Isaac ug ang Dios ni Jacob nga mao ang Dios Amahan, Dios Anak ug Dios Espiritu Santo. Bisag unsaon pa og simba sa mga lain lain nga relihiyon, wala gayud sila magsimba sa tinuod nga Dios. Kinahanglan nga motoo ug mosimba gayud sa Dios nga Anak ug sa Dios Espiritu Santo aron makasimba ug makaila sa Dios nga Amahan.
Buot pasabot nga kadtong wala magsimba sa Santisima Trinidad, wala magsimba sa tinuod nga Dios kay wala sila kaila sa ilang gisimba. Bisan pa og mosulti sila nga ang ilang gisimba mao ang Dios Amahan. Kay ang Dios dili lamang ang Amahan. Ang tinuod nga Dios adunay Tulo ka Persona. Ug aron makabaton ka sa kinabuhing dayon, kinahanglan nga mosunod ka sa pulong ni Cristo. Walay pulos ang imong pagsimba sa Santisima Trinidad koon dili gihapon ka maminaw sa pulong ni Cristo. Ang relihiyon lamang dinhi sa kalibutan nga hingpit nga nagsunod sa mga pulong ni Cristo mao lamang ang Simbahag Katolika. Tugod kay ang Simbahang Katolika mao lamang ang matuod nga relihiyon, mao nga gi-ataki kini ni Satanas ug ang mga kaaway anaa na naglingkod sa mga istraktura sa atong mga Simbahan.