Welcome To
San Antonio de Padua Roman Catholic Chapel
Hindang, Leyte, Philippines
San Antonio de Padua Roman Catholic Chapel
Hindang, Leyte, Philippines
______________________________________________________________________________________________________________________________________
Ang San Antonio de Padua Roman Catholic Chapel
sakop sa
Christus Vincit, Christus Regnat, Christus Imperat Inc.,
usa ka non-profit nga relihiyoso nga organisasyon ug aprobado sa Philippine's Security Exchange Commission (SEC).
Natukod kini aron sa pagpakaylap ug sa tinuod ug tradisyonal nga panudlo sa Simbahang Katolika.
Ang San Antonio de Padua Roman Catholic Chapel
sakop sa
Christus Vincit, Christus Regnat, Christus Imperat Inc.,
usa ka non-profit nga relihiyoso nga organisasyon ug aprobado sa Philippine's Security Exchange Commission (SEC).
Natukod kini aron sa pagpakaylap ug sa tinuod ug tradisyonal nga panudlo sa Simbahang Katolika.
Schedule
Sabado sa dili pa ang Ika-tulong Dominggo sa Bulan (Saturday Before the 3rd Sunday of the Month) 10:00 AM Ika-tulong Domingo sa Bulan (3rd Sunday of the Month) 10:30 AM Magsugod ang Kompisal 30 minutos usa mag Misa (Confession starts 30 minutes before the Mass) Matag adlaw nga pag-ampo sa Santos nga Rosaryo: (Daily Rosary) 5:00 PM |
Pagpreserbar sa Pagtoong Katoliko human sa Vatican II
Gisugdan kining maong kapilya sa Hindang, Leyte, 45 ka tuig nga nilabay human sa makalilisang nga konsilyo sa Vatican II nga niguba sa tradisyonal nga pagtoo, sakramento ug uban pang mga liturhiya sa Simbahang Romano Katoliko. Kini lamang ang Romano Katoliko nga kapilya sa Hindang, Leyte nga nagahalad sa tinuod nga Misa o naila nga Traditional Latin Mass. Dinhi niining kapilya, nagatapok kaming mga Katoliko aron sa pagsimba sa Dios ug pagbalaan sa mga kalag. Dili namo buot nga balikon ang orasan o magmugnaug bag-ong simbahan o sekta. Ang Misa wala namo gihalad tungod kay gusto mi ug kinaraan. Gihalad ang maong Misa kay mao kini ang opisyal nga Romano nga Misa sa Romano Katoliko. Ug kini nga Misa, naila karun sa modernong panahon nga Traditional Latin Mass o gitawag nga Tridentine Mass. Ang mga bantug nga skolar nagtug-an sa tanan nga kini nga Misa gipasikad gikan sa ugat ug sa pinaka-pondasyon sa Simbahan sa Roma. Kadtong mga wala pa makatan-aw o makasulay sa Traditional Mass, kini nga Misa sobra ka lahi gayud sa ilang naandan nga binag-ong "misa." Niining Misa, ang partisipasyon sa pagsimba, naa sulod sa kalag, huna-huna ug sa kasing-kasing sa tawo. Mabantayan ninyo nga ang pari, uban sa mga tawo, nag-ampo ug nag-atubang sa sama nga direksyon, ngadto sa altar sa Dios. Ang mga balaang pag-ampo litukon sa opisyal nga lingwahi sa simbahan nga mao ang Latin. Ug ang mga tawo usab makasunod sa pagbasa sa Eningles nga translasyon sa Missal. Sulod sa Misa, adunay panahon sa hingpit nga kahilom sa dihang moabot na sa pinaka sagrado nga parti sa Misa. Ang partsipasyon niini sa mga tawo mao ang hingpit nga pag-ampo . Hinumdoman nato nga giula sa mga matires ang ilang dugo para niining mao nga Misa ug maoy nakapasantos sa daghang mga tawo sa Simbahang Katoliko. Sa Santos nga Misa, imong ampoon ug buhaton ang sama nga gibuhat ug giampo sa daghang mga Santos. Ang mga pag-ampo, basahon, ug mga kanta nga ilang nadungod kaniadto mao usab ang inyong madungog. Ang ilang Misa kaniadto ug ang Misa nga atong gihalad dinhi sa kapilya sama ug usa ra. Wala nato usba bisan gamay nga parti sa Misa. Kay kini mao ang Misa nga nadawat ug gipalig-on ni San Gregorio Magno. Kini mao ang Misa nga gihalad ni Santo Tomas de Aquino ug gihigugma niya sa hingpit. Kini mao ang Misa nga gisimba katulo sa usa ka adlaw ni San Luis IX, hari sa Pransya. Kini mao ang Misa nga unang gihalad sa sa Misyonero didto sa baybayon sa Isla sa Limasawa, Probinsiya sa Leyte. Kini mao ang Misa nga gihalad sa mga kaparian nga patago didto sa catacomba, sa ilalom sa yuta panahon sa makalilisang nga persekusyon. Kini mao ang Misa nga gihalad ni San Antonio de Padua, ni San Vicente Ferrer, ni Padre Pio ug uban pa. Makaingon gayud ta nga kini ang Misa nga gikan gayud mismo sa langit. Ang kabalaan niadtong daghang mga Santos nagagikan gayud mismo niining mao nga Misa ng gimugna ni Kristo. Ug bisan dili kita takus, ang Dios nagahatag kanato ug daghang mga grasya niini na Misa.
|
Kon giila nimu ang imung kaugalingon nga usa ka magtotoong Katoliko, ayaw pagduha-duha sa pagbisita sa kapilya ug sa pagsimba sa Santos nga Misa. Dinhi sa kapilya madiskubrehan ninyo ang saktong pagtoong Katoliko nga gitudlo sa daghang mga siglo. Kon kini mao ang imung unang higayon nga mosimba sa Misa, Welcome. Ayaw kaulaw ug ayaw paghuna-huna nga nga wala ka sa sakyong lugar. Kon katoliko gayud ka, nan, dali kay kini nga Misa ang para sa mga Katoliko. Sa Traditional Latin Mass, ang Santos nga Komunyon kalawaton pinaagi sa dila lamang samtang nakaluhod. Ug pahinumdom sa tanan nga mga binunyagang Romano Katoliko lamang nga naa sa estado sa grasya ang angayan nga mokalawat. Ang pasabot mao nga kon aduna kay mortal nga sala, kinahanglan nga mokompisal usa mokalawat. Aron ka makasubay sa Misa nga Linatin, mamahimo kang mobasa sa Latin/English nga Missal nga naa sa kapilya. Imu lang bantayan kon kanus-a moluhod, molingkod ug motindog. Palihug sa pagmentenar sa santos nga kahilum. Ug labaw sa tanan, palihug sa pagsuot sa sakto nga bisti kon mosimba sa Dios diha sa Santos nga Misa. Ang mga bisti nga halos makita na ang mga pribado nga parti sa lawas (short skirts, shorts, low necklines, jogging suits) dili gayud angayan sa Kapilya. Pagsul-ot sa bisti nga tarung kay anaa ka atubangan sa Dios ug Ginoo nga imung labawng Hari. Sukad sa sinugdanan sa Santa Iglesia Katolika, usa na ka kustombre o tradisyon sa mga babaye ang pagtabon sa ilang mga ulo sulod sa simbahan. Busa, sa kapilya, adunay libre nga mga belo nga para itabon sa ulo sa mga babaye. Kini nga tradisyon gipasubay basi sa Santos nga Bibliya yg Santos nga Tradisyon ug dili gayud mamahimong tangtangon ug kinahanglan gayud nga sundon sa hingpit. Human sa Misa, adunay gamayng snacks o merienda para makahinabi ang mga tawo nga nanimba ug mag-istoryahanay bahin sa krisis sa simbahan ug uban pa. Malipay gayud kami nga motubag sa imung mga pangutana ug duha-duha. |
Saint Anthony of Padua Chapel is a Roman Catholic Chapel dedicated to the honor and glory of Almighty God, to the Most Blessed Virgin Mary, to Saint Joseph and to the Saints in Heaven. The purpose of this web site is to defend and spread the truth of the Catholic Faith as it has been received from Christ to the Apostles, to the faithful Popes and Saints. We spread, promote and foster the practice of traditional Catholicism with a focus on the Traditional Latin Mass. We promote fidelity to the immutable teachings of the Roman Catholic Church in doctrine, morals, and sacred liturgy. We promote the approved devotions of the Catholic Church. We strive to promote devotion, love and dedication to the Most Holy Rosary of the Blessed Virgin Mary and her Scapular. Our apostolate provides rosaries, scapulars, pamhplets and talks through our mission works here in the Philippines. Our goal is to help Catholics recover the beauty, majesty, and truth of the glorious Catholic Faith. May our humble efforts in cooperation with God’s manifold grace help individuals, families and society restore all things in Christ.