“Hiposa ninyo ang mga salin aron walay mausik.”
Marso 11, 2018
Ika-upat nga Dominggo sa Kwaresma
Alang sa Epistola, Ebanghelyo, Pag-ampo ug uban pang giya sa Santos nga Misa karung adlawa, palihug sa pagtan-aw niini sa: Ika-upat nga Dominggo sa Kwaresma.
Mga Piyesta karun nga semana:
Lunes - Marso 12 ~ San Gregorio Magno (Adlaw sa Pagpuasa)
Martes - Marso 13 ~ (Adlaw sa Pagpuasa)
Mierkules - Marso 14 ~ (Adlaw sa Pagpuasa)
Huwebes - Marso 15 ~ (Adlaw sa Pagpuasa)
Biernes - Marso 16 ~ (Adlaw sa Pagpuasa ug Abstinencia)
Sabado - Marso 17 ~ San Patricio (Adlaw sa Pagpuasa)
Dominggo - Marso 18 ~ San Cyrilo sa Jerusalem (Dominggo sa Pasyon)
Ika-upat nga Dominggo sa Kwaresma
Alang sa Epistola, Ebanghelyo, Pag-ampo ug uban pang giya sa Santos nga Misa karung adlawa, palihug sa pagtan-aw niini sa: Ika-upat nga Dominggo sa Kwaresma.
Mga Piyesta karun nga semana:
Lunes - Marso 12 ~ San Gregorio Magno (Adlaw sa Pagpuasa)
Martes - Marso 13 ~ (Adlaw sa Pagpuasa)
Mierkules - Marso 14 ~ (Adlaw sa Pagpuasa)
Huwebes - Marso 15 ~ (Adlaw sa Pagpuasa)
Biernes - Marso 16 ~ (Adlaw sa Pagpuasa ug Abstinencia)
Sabado - Marso 17 ~ San Patricio (Adlaw sa Pagpuasa)
Dominggo - Marso 18 ~ San Cyrilo sa Jerusalem (Dominggo sa Pasyon)
Karung Marso 17, 2018, Sabado, atong sugdan ang pagtabon sa mga imahe o rebulto sa Simbahan.
Karung Marso 18, 2018, Ika-lima nga Dominggo sa Kwaresma, adunay Santos nga Misa sa alas 3:00 ang takna sa hapun didto sa Kapilya ni San Antonio de Padua sa Hindang, Leyte.
Karung Marso 18, 2018, Ika-lima nga Dominggo sa Kwaresma, adunay Santos nga Misa sa alas 3:00 ang takna sa hapun didto sa Kapilya ni San Antonio de Padua sa Hindang, Leyte.
Karun mao ang Ika-upat nga Dominggo sa Kwaresma. Kining Ika-upat nga Dominggo sa Kwaresma gitawag kini og Laetare Sunday o Dominggo sa Pagmaya. Usa kini nga pagpahinumdom kanato nga magsadya kita kay hapit na matapus ang Kwaresma ug haduol na ang Pasko sa Pagabanhaw sa atong Ginoo.
Ang Ebanghelyo karun naghisgot bahin sa milagro nga gihimo sa atong Ginoong Jesu-Cristo. Gipakaon sa atong Ginoo ang sobra 5,000 nga mga tawo nag nagsunod sunod Kaniya. Kadtong mga tawhana nagsunod sunod Kaniya kay tungod nakasaksi man sila sa mga milagro nga gipanghimo ni Jesus.
Gipakaon sa atong Ginoo ang 5,000 nga mga tawo gikan sa lima ka pan ug duha ka isda. Mao kini ang ang milagro nga gihimo sa atong Ginoo. Gikan sa lima ka pan ug duha ka isda, nakahipos gihapon ang mga Apostoles og 12 ka bukag. Tungod niining maong milagro,gusto sa mga tawo nga himoon nila nga Hari atong Ginoong Jesu-Cristo.
Kini nga milagro nga gihimo sa atong Ginoo, maoy usa sa mga milagro nga gi-atake sa mga erehes nga nagdumala sa atong mga Simbahan karun. Daghang mga erehes nga "pari, obispo, cardinal" ang nagtudlo sa katawhan nga wala kunoy milagro nga nahitabo niini. Matod pa niining mga erehes nga ang 5,000 nga mga tawo kuno nagdala og ilang kaugalingon nga mga bawon o pagkaon. Ilang gitigom ang tanan nilang pagkaon maong nakakaon ang tanan ug nakasobra pa og salin. Buot pasabot nga wala padaghana sa atong Ginoong Jesu-Cristo ang lima ka pan ug duha ka isda.
Daku gayud kini nga bakak kay mismo ang Ebanghelyo nagtug-an kanato nga ang mga tawo nagsadya gayud human sila pakan-a ni Cristo. Nakita gayud sa 5,000 nga mga tawo ang milagro nga gihimo ni Cristo nga gipadaghan Niya ang pan ug isda, mao nga gusto nila nga himoon si Cristo nga ilang hari. Kay og wala pa maghimo og milagro si Cristo, nganung ila man gyud gusto nga himoon si Cristo isip ilang Hari?
Maong magbantay kita niining mga erehes o mga modernista kay mga kaaway sila sa Dios ug ang ilang trabaho mao ang pagguba sa Katolisismo.
Niining panahon sa Kwaresma, atong himoon nga Hari ang atong ginoong Jesu-Cristo sa atong kinabuhi. Maghimo kita og mga sakripisyo niining panahon sa Kwaresma alang sa pagsugat nato sa Pasko sa Pagkabanhaw.
Ang gitudlo sa Simbahan mao nga gikan sa Mierkules sa Badlis hangtud sa Sabado de Gloria, atong pugngan ang atong kaugalingon sa pagbuhat sa mga butang nga atong gusto. Atong pugngan ang atong kaugalingon sa pagkaon og mga karne, sa pag-undang sa bisyo ug sa pagpakasala.